| 返工時候過既每一刻, 都有大大小小唔同既問題, 即使做既野結果都係一樣, 但係過程就會一個客人有每個人唔同既問題, 每一個客人妳都要用唔同既方式去應付, 除左食飯一個中頭唔計算在內, 返工每一刻都有唔同既事可以令到自己忘記寂寞既感覺. 每一早起身都會成日好想搵借口唔去返工, 原因唔想面對其他人. 但一想到自己改左一個日本名: 長期良尾, 就要死死地起身返工. 返地鐵既時間就好似一個被人宣告死刑既人一樣踏上一條慢慢長路. 陪我返工既只係電話既MP3同埋手上既報紙. 返到公司既一刻真係有個衝動想轉頭返屋企. 但係都敵唔過我信奉既金錢教. 食飯既一個中頭自己一個無無聊聊係房, 一個人面對一個雪櫃, SINK盤, 周圍有好多既宣傳單張同一個走火通道. 唯一可以消弭到哩一個鍾頭既就係盡量搵時間同周公傾計. 明明有時一早起身精神都算OK, 但係為消弭時間都要咁做. 放工就係全日最要命既時間, 做完自己手頭上既野, 自己就要改一個鬼佬名: Mr. Invisible. 妳一做完野, 妳就會覺得自己係公司係多出既員工. 覺得自己冇咩用途, 人地唔會理妳, 做自己野, 完全當妳透明. 妳唔會感覺到自己係公司係員工之一, 唔會感覺到妳會存在係公司. 係既, 公司裡面既文化就係小圈子啦, 大有大既圈, 細有細既圈, 妳唔係任何一方既就係公司多出既員工,…….等等等等等, 等到大圈小圈做完野就會開一個跑數大會, 鼓勵員工去做多D數, 就算做唔到數都要講到做到, 每一個OBJECTION HANDLE都係CHANCE. 唔好放過任何一個機會,………. 每日既生活就係同一樣重重複複, 一日廿四小時裡面, 基本上只有妳做緊野既時候妳先會FEEL到自己係有妳自己既存在價值, 其餘既17個中頭妳就會消失係哩個世界上, 哩個世界再冇一個人叫HENRY, 只會有一個叫MR. INVISIBLE既人存在………. |
